ڈبلن ایئرپورٹ کے قریب 6,000 سے زائد گاڑیوں کی پارکنگ کی سہولت، نئی کار پارک اگلے ہفتے سے فعال
ڈبلن (R24 نیوز) ڈبلن ایئرپورٹ سے سفر کرنے والے مسافروں کے لیے بڑی خوشخبری! ایئرپورٹ کے قریب ایک نیا وسیع و عریض کار پارک “پارک 2 ٹریول” اگلے ہفتے 10 مارچ سے باضابطہ طور پر فعال ہونے جا رہا ہے، جہاں 6,000 سے زائد گاڑیوں کی پارکنگ کی سہولت دستیاب ہوگی۔
یہ جدید کار پارک 24 گھنٹے کھلا رہے گا اور ایئرپورٹ تک آسان رسائی کے لیے شٹل بس سروس فراہم کی جائے گی۔ اس کے ساتھ ساتھ الیکٹرک گاڑیوں کے لیے چارجنگ اسٹیشنز بھی موجود ہوں گے، جو ماحول دوست ٹرانسپورٹ کے فروغ کی جانب ایک اہم قدم ہے۔
گزشتہ سال پارکنگ کا بحران، اب نئی سہولت سے ریلیف
یہ نیا کار پارک ایسے وقت میں کھولا جا رہا ہے جب گزشتہ سال گرمیوں میں دبلن ایئرپورٹ کے تمام پارکنگ اسپیسز مکمل طور پر بک ہو گئے تھے، جس سے مسافروں کو شدید مشکلات کا سامنا کرنا پڑا تھا۔
دلچسپ بات یہ ہے کہ ڈی اے اے (DAA)، جو ڈبلن ایئرپورٹ کا انتظام سنبھالتا ہے، نے اس کار پارک کو خریدنے کی کوشش کی تھی، لیکن مسابقتی کمیشن نے ان کی یہ کوشش ناکام بنا دی۔ اب یہ سہولت یورپ کی سب سے بڑی پارکنگ کمپنی “APCOA” کے زیر انتظام کام کرے گی۔
محفوظ، آرام دہ اور جدید پارکنگ کی سہولت
پارک 2 ٹریول کی انتظامیہ کے مطابق، صارفین کو محفوظ، آرام دہ اور جدید سہولیات فراہم کرنے کے لیے ہر ممکن اقدامات کیے گئے ہیں۔ اے پی سی او اے آئرلینڈ کے مینیجنگ ڈائریکٹر نیل کننگھم کا کہنا ہے کہ:
“ہم اپنے صارفین کو ایک بہترین اور قابل اعتماد ایئرپورٹ پارکنگ سروس فراہم کرنے کے لیے تیار ہیں۔”
بکنگ پہلے سے کرائیں!
یہ سہولت استعمال کرنے کے خواہشمند افراد اپنی پارکنگ اسپیس پہلے سے آن لائن بُک کر سکتے ہیں تاکہ انہیں آخری وقت میں کسی پریشانی کا سامنا نہ کرنا پڑے۔ مزید تفصیلات کے لیے پارک 2 ٹریول کی ویب سائٹ وزٹ کریں۔
